şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Ey könül, boylanıb,hərdən geri bax,
Yolları,izləri gözünə bir tax,
Keçdiyin hər cığır,hər təpə,hər dağ
Soruş,nədən pərişandı,pərişan?!
Namərdə mərd,mərdə namərd dünyanın
Qalmayıb nə təmi,nə dadı,ey dad!
Səmasında çalağanlar qıy vurar,
Qartallar ah ilə,zardadı,ey dad!
Mən burda,sən orda axan çay olduq…
Ah,gülüm,qovuşub,bir axmalıydıq.
Yersiz təkəbbürü,kini,qəzəbi
Atıb,bir tərəfə buraxmalıydıq.
Hələ də,yollarda durub bir oğlan
Hələ də,əlində bir dəstə gül var.
Hələ də,gözündə sabaha ümid,
Hələ də,ruhunda bir təlatüm var.
İnsanlar!..Gözlərdən atın qorxunu,
Sığının Allaha,sığının Haqqa.
İblisin canına düşsün üşütmə,
Şər-yaman etməsin gündə min hoqqa.
Gəl,qayıdaq o günlərə,yenə də,
Qoz sındıraq bu dünyanın başında.
Sən ordan,mən burdan baxıb,boylanaq-
Mən on dörd yaşında,sən on yaşında…
Gülruxsarım,surətini görəndən
Dinim getdi,inamımı itirdim.
Bilinmədi bu halımla kiməm mən,
Günüm,anım,zamanımı itirdim.
Əlvida deməyə peşiman oldum,
Əlvida dedim də,gözüm gülmədi.
Əlvida dediyim o andan,gülüm,
İçim də,çölüm də dəlmə-dəlmədi.
Bir çinardın,budandın sən,
Qiymə-qiymə doğrandın sən,
Biz yad olduq,utandın sən,
Bağrı olan qan Vətənim,
Can Vətənim! Can Vətənim!
Gül əllərin üzüləli əlimdən,
Nə can qaldı,nə də candan ad,gülüm!
Ah,elə yandım ki,elə yandım ki,
Biləmmədim bu nə damaq,dad,gülüm?!