Kategoriler

Şəfaqət Cavanşirzadə Kategoriler

Tarih 6 Ağu 2019 Kategori: Şəfaqət Cavanşirzadə

Hakim əmi, azadlıq! – 2

– Sabahın xeyir, gözəlim. – Kobud səsiylə getmək istəyən uşağın ayaqlarını saxlamağa məcbur elədi.
Qorxu elə hissdir ki, ya getmək istəyərsən, gedə bilmərsən, ya elə bilərsən ayaqların yerli-dibli yoxdur, ya da ürəyinin dayanmasını arzulayarsan. 
Nilufər yekəpərə baxdı. Qız onun gözlərində niyyətini, o isə qızın gözlərində qorxunu oxudu. 

Tarih 6 Ağu 2019 Kategori: Şəfaqət Cavanşirzadə

Hakim əmi, azadlıq – 1

Gah birinci mərtəbədə yaşayan qonşusu – təxminən yaşı qırxı keçmiş qarınlı, üzü azca tüklü, qalın dodaqlı, burnu incə, uzunboylu yekəpər kişiyə, gah blokun çıxacağına, gah da bir az cəsarətini toplasa evinə; üçüncü mərtəbəyə aparacaq pilləkənlərə baxırdı. Anası onu çörək almağa göndərmişdi. Daha doğrusu, atası işə gecikdiyi günlər on yaşlı Nilufər onun əvəzinə yaşadığı beşmərtəbəli binanın altındakı marketdən çörək, artıq qalan pulla özünə şokolad, ya da saqqız alardı. Bir həftədən çoxdu çörək almağa

Tarih 6 Ağu 2019 Kategori: Şəfaqət Cavanşirzadə

Bakirə

Alın yazısına, qismətə inanmırdı. “ İnsan yalnız zövq almaq, xoşbəxt olmaq üçün yaranıbdır ” – deyirdi, ürəyi hansı qadına, qıza isindisə, onlara qarşı fərqli niyyətlərlə addımlar atdı. Atdığı hər addımda sonsuz ümidləri vardı. Səmayə xanım oğlunun dağınıq gözlərindən utanırdı. Zamana tez vaxtda yaxşı qız tapıb evləndirməsə, oğlunun arxasınca türməyə ziyarətə gedəcək günlər uzaqda deyildi, ən pis halda isə, ürəyi yaralı, parçalanmış ana kimi qəbrinin üstə gül qoymaq ehtimalı da var idi. Dəfələrlə oğlundan

Tarih 29 Tem 2019 Kategori: Şəfaqət Cavanşirzadə

Ləkə – 5

Kinonun başlamasına iki saat vardı. Şahnisə bacısının dırnaqlarını pilkalamış, qırmızı lak çəkmişdi. Sonra saçlarını fenlə qurudub, hər gün özünə necə bəzək-düzək verirdisə, bu dəfə bacısı üçün canfəşanlıq etdi. Ən çox bəyəndiyi qırmızı paltonunu, qırmızı papağını Banuya geyindirdi. Özü isə üzünə adi krem də vurmamış, saçlarını sadə yığıb, qara rəngdə papağını, paltosunu geyinmişdi. Banu bacısının bəzənməməyinə təəccübləndi: – Sən niyə belə geyindin?

Tarih 29 Tem 2019 Kategori: Şəfaqət Cavanşirzadə

Ləkə – 4

Uşaqlıqdan elə insanlara vərdiş eləmişdi, incimirdi. Əvvəlki kimi heç kim görməsin deyə hamamda ağlamırdı da. Yaşı əllini keçmiş, ərə qulluq etmək həvəsini çoxdan cavanlıq illərində it-bata salmış qızlara deyilən boğazdan yuxarı duaların Banuya deyilməsi, əvvəlki kimi düşüncələrində çürütmək üçün ilişib qalmırdı…
Bu dəfə hamama güzgünün qarşısına keçib ilk dəfə bacısının pomadasını dodaqlarına sürtmək üçün keçdi. Pomadanın rəngi tünd

Tarih 23 Tem 2019 Kategori: Şəfaqət Cavanşirzadə

Ləkə – 3

Şahnisə qəfildən hamama girəndə Banu əlini üzündən çəkdi. Şahnisə ayıq qızıydı, bacısının üzündəki ləkəni neçə il gözündə böyüdüb, özünü evə həps eləməsi heç cür ona çatmırdı.
– Sən hər şeyi gözündə kiçiltmək yerinə, daha da böyüdürsən. Mənasız bir şeyə görə özünə də, anamgilə də neçə ildi əziyyət verirsən.
Şahnisənin birdən-birə bu cür danışması Banunu təəccübləndirdi, bir az da incidi.

Tarih 23 Tem 2019 Kategori: Şəfaqət Cavanşirzadə

Ləkə -2

Nikbin təbiətli, deyib-gülən, adamla asanlıqla ünsiyyət yaradan qızıydı. Uzun zil qara saçları, qəhvəyi rəngində olan gözləri ekiz bacıları məhlənin digər qızlarından seçirdi. Şahnisəni universitetdə çox oğlan bəyənirdi. Sevən kim, ömür-gün yoldaşı görmək istəyən kim, bir gün də olsa, onunla şəhərin bu başından o başınacan gəzmək istəyən kim!…

Tarih 23 Tem 2019 Kategori: Şəfaqət Cavanşirzadə

Ləkə-1

Evdə onu özünə bənzədən anası var. Hansı ki mətbəx sirrlərindən tutmuş, kişiyə qarşı səbrli və təmkinli olmasınacan hamısını anasından öyrənmişdi Banu. Xasiyyəti də anasının xasiyyətinə ekiziydi: az danışan, əldən zirək, özünə qız kimi baxmağa qorxan insan. Anası qadın kimi toydan-toya bəzənərdi. Ad günləri, evdə qohumlardan on-on beş adamlıq qonaqlıq olanda səliqəli paltar geyinər, gözə batan iri qızıllarını taxardı. Ekiz tay bacısıyla atalarına bənzəyirdilər: boyları hündür, boğazları uzun, incə bel.

Tarih 21 Oca 2019 Kategori: Şəfaqət Cavanşirzadə

Torpaq qoxusu

Yol yoldaşım qonşum Fəridlə, balaca qızıdı. Yeddi yaşlı Zəhranın məndən xoşu gəlmirdi. Atasına qısqanırdı, gözlərinə baxanda bunu hiss eləmək elə də çətin deyil. Nifrət də yoxdur, sevgi də! Düzünü bilmək istəyirsinizsə, uşaqların kiçik qəlblərində nifrətin olmağına heç vaxt inanmamışam. Ya sevərlər, ya sevməzlər! Fərid də qızının mənə qarşı olan münasibətini görürdü. Gördüyü üçün havada qalan əlimdən tutdu.

Tarih 6 Oca 2018 Kategori: Şəfaqət Cavanşirzadə

Unutmaq istədiyim xatirə.

Yaxın qohumum avtobusa minəndə gözü qarşı tərəfdə oturmuş qıza sataşdı. Qız oğlana, oğlan qıza bax-baxa bir-birilərinin ürəklərinə yatdılar. Avtobusdan düşəndə oğlan qıza yaxınlaşdı, nömrə verdi. Bir müddət danışdılar. Sonra qızın şəklini göstərdi mənə.