Kategoriler

Govhar Rustamova Kategoriler

Tarih 16 Tem 2018 Kategori: Govhar Rustamova

Həsəd. roman.( 54)

Çingiz işlərinin çoxluğundan evə gec döndü. Pillələri qalxa – qalxa “ Hə , görək anam nə xəbərlə gəlib ? “ düşünsə də , qapını açan olmadı. Belə görünürdü ki, Xavər xanım hələ də geri qayıtmayıb. Çingiz tələsik cibindəki açarla qapını açıb, içəri keçdi. Ev qaranlıq idi. Otaqların işığını yandırıb , ətrafa göz gəzdirdi: “ Qəribədir , – düşündü, – anamdan nə əcəb? Yubanan deyil , axşam düşüb, amma o , hələ də evə gəlib çıxmayıb.”

Tarih 16 Tem 2018 Kategori: Govhar Rustamova

HƏSƏD. roman. ( 53 )

Xavərin ürəyinə elə bil su çilənmişdi. Arzu ilə söhbəti zamanı ürəyindən keçirdiyi “ Kaş adamın belə gəlini olaydı…Kaş ki, Çingiz Könülü deyil, Arzunu bəyənəydi “ fikrini sanki Allah eşitmişdi.
Qadının üzünə razılıq , məmnunluq ifadəsi gəlmişdi. O da həmişə evində, ocağında gəlin kimi görmək istədiyi surəti məhz Arzunun simasında tapmışdı.

Tarih 16 Tem 2018 Kategori: Govhar Rustamova

HƏSƏD. roman.davamı(49)

Şənbə günü olsa da, Kamilə yuxudan erkən oyanmışdı. Fikirlər onu rahat buraxmırdı; Nübargildə söhbəti necə, hardan başlayacağını özlüyündə dönə – dönə götür – qoy edir, münasib cümlələr düşünürdü.Hətta , ailənin çox ehtiyac və səfalət içində olduğunu görərsə, ümumiyyətlə bilərzik barədə söhbət etməyəcəyini də fikirləşirdi.Əgər…həyat yoldaşı Zahidin hədiyyəsi olmasaydı…

Tarih 30 Haz 2018 Kategori: Govhar Rustamova

HƏSƏD. roman. davamı(46)

Zaur da , anası da söhbətdən sonra xeyli dinclik tapdılar. Kamilə artıq əvvəlki kimi həyəcanlı deyildi. Onu narahat edən tək bir şey, bilərziyin səssiz – küysüz geri alınması idi. Qızın rüsvay olmasını, müzakirə obyektinə çevrilməsini, nüfuzdan düşməsini birmənalı olaraq istəmirdi. “ Gəncdir , – düşünürdü , hələ çox şeyləri dərindən dərk etmir. İşi elə qurmaq lazımdır ki, adına ləkə dəyməsin. Mənliyi, şəxsiyyəti alçaldılmasın.”.

Tarih 30 Haz 2018 Kategori: Govhar Rustamova

HƏSƏD. roman.davamı(43)

Çalışaq , cəhd edək , – Sevil sakit tərzdə cavab verdi, – hər halda , onu itirən kəs, axtarmaq üçün buraya üz tutacaq, – ağıllı görkəm aldı, – demək, biz onunla rastlaşa bilərik.Nə bilmək olar , qismətdirsə, qaytarıb verərik özünə.
Rəfiqəsinin sözləri Nübarı tam qane etməsə də , bir qədər sakitləşdirdi. Əlindəki bilərziyi o tərəf – bu tərəfə çevirdi , dönüb ümidlə ətrafa baxdı. Bilərzik sanki onun əllərini yandırırdı. Qız ondan necə yaxa qurtaracağı barədə düşünür , konkret bir qərara gələ

Tarih 30 Haz 2018 Kategori: Govhar Rustamova

HƏSƏD. roman.davamı( 42)

İri büllur meyvəqabını dönə – dönə gözdən keçirdi. Zənnində yanıldığını düşünərək bir neçə dəfə qaba əl də gəzdirdi. Həyəcandan boğazı qurudu , nitqi tutuldu. Özlüyündə “ İlahi , bu nə işdir ? , – düşündü , – bu, necə ola bilər?”.
Əl – qolu süstləşdi , fikri dumanlandı. Halsız vəziyyətdə xalçanın üzərinə çökdü.

Tarih 30 Haz 2018 Kategori: Govhar Rustamova

HƏSƏD. roman.davamı.(41)

Zaurun dəvəti Nübarın ürəyinə yatsa da , anası tərəfdən birmənalı qarşılanmadı.Rəfiqə qızının tanımadığı bir evə getməsinin əleyhinə idi.Bilirdi ki, Kamran da bu işə qol qoymayacaq. Amma gözünün ağı – qarası bircə balasının da ürəyini sındırmaq istəmirdi.Vəziyyətdən cürbəcür çıxış yolları axtarırdı.Münasib vaxt tapıb:

Tarih 30 Haz 2018 Kategori: Govhar Rustamova

HƏSƏD. roman.(40)

İş gününün sonuna yaxın Çingiz özü şöbəyə qalxdı. Könül hələ də iş yerinə qayıtmamışdı.
Çingiz əsəbi halda otaqdan çıxırdı ki, pillələri sürətlə qalxan Könüllə rastlaşdı. Qız onu görən kimi özünü itirdi , addımlarını yavaşıtdı.Günahkar görkəm alıb , astadan:

Tarih 22 Haz 2018 Kategori: Govhar Rustamova

HƏSƏD  roman.(38)

Nahar fasiləsinə az qalmış Sənubər daxili telefonu qaldırıb:
-Çingiz müəllim , – dedi.
-Bəli, – Çingizin səsi eşidildi.
-Bir xanım təkidlə sizinlə görüşmək istədiyini deyir, amma adı qəbulunuza yazılanların siyahısında yoxdur.
-Eləmi ? Kimdir o xanım ?

Tarih 22 Haz 2018 Kategori: Govhar Rustamova

HƏSƏD. roman.(39)

İlahi, o , nələr eşidirdi?
Könül qadında mənfi rəy yaratmağa müvəffəq olduğunu hiss edib bir az da ürəkləndi.
-Kənardan hər şey gözəl görünə bilər, amma…-çantasından güzgü və dodaq boyasını çıxardı, – amma, daxildə vəziyyət çox fərqlidir, – dodaqlarını al qırmızı boyadı, – mən bir neçə yerə iş üçün müraciət etmişəm, ürəyimə yatanı olan kimi , təcili surətdə buralardan