şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Tamara Rustamova Tənha Bulud Kategoriler
Qiyamət izləyir məni
Qiyamət izləyir məni Dualarım karvan-karvan, Dinləyir məni asiman… Gətirmişəm Haqqa iman, Açılır məna aləmi, Göy üzü səsləyir məni. Nə zaman var ,nə də məkan Hər yaranış Haqqa nişan. Qurulubdur Böyük Mizan, Hökm edir Haqqın Qələmi, Qiyamət izləyir məni. Göy bükülür varaq kimi, Yer yumuluur yumaq kimi, Tanrı bizdən uzaq kimi… Tanrı demir biz deyəni, Qiyamət […]
Ruha Paklıq
Ruha paklıq,ürəyimə nur verir
Zəmzəm kimi göz yaşımı içməyim
İbrahimin qurbanına bənzəyir
Haqq yolunda mənim səndən keçməyim.
Fani Dünya
Bu fani dünyada izim də qərib
Eşqim də qəribdir,özüm də qərib
Göydən yerə enən sözüm də qərib
Topla səpələnən ruhumu,Allah!
TELLERİMİ
Tellərimi oxşamadın,
Külək,səni qınamıram.
Gözlərimdə yaş qoymadın,
Ürək,səni qınamıram
Men Nağıl
Mənə nağıl demə dindən-imandan
Əvvəlcə arpanı ayır samandan
Hələ başın çıxmır yaxşı.-yamandan
Sənin bəd gümanın başına dəysin.
Ağır Emanet
Ağır əmanət”Örpəyim” 2 hissəli poemadan
Mənim balam,al,bu örpək
Nənəmin yadigarıdır.
Gözün kimi qoru onu,
İnsan gətirmə
Sil başdan yaz taleyimi,İlahi!
Məni bu dünyaya insan gətirmə
Qəbul et son diləyimi,İlahi!
Məni bu dünyaya insan gətirmə!
Dərdimi
Dərdimi üstümə örtdüm bu gecə
Dərdimə bürünüb yatdım bu gecə
O məni,mən onu bağrıma basdım,
Yuxuma şirin dərd qatdım bu gecə
Dərdimə bürünüb yatdım bu gecə.
QAÇMAQ İSTƏYİRƏM
Qaçmaq istəyirəm başımı alıb
Bu dünyanın üzündən, astarından
İkiüzlü ,haçadilli adamlarından.
Həsədlərdən, qeybətlərdən
Kiməm mən
Həsrətinlə yana-yana ölən mən,
Yanıb-yanıb,odu sönmüş küləm mən.
Elə öyrətdin ki sənsizliyinə
Çətin bir də görüşünə gələm mən.
