şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Ağır Emanet
Ağır əmanət”Örpəyim” 2 hissəli poemadan
Mənim balam,al,bu örpək
Nənəmin yadigarıdır.
Gözün kimi qoru onu,
Millətin iftixarıdır.
Bu örpəkdə
Ana Vətən torpağımın qoxusu var,
Doğma ana qucağında
Şirin-şirin layla ilə mürgüləyən
Körpələrin yuxusu var.
Pak,müqəddəs,əziz ata ocağından
Od götürüb,
şərəf,namus,ləyaqətlə
Öz irsindən nəsillərə
Ad ötürüb.
Yoxdur mənim mal-dövlətim
Buna görə mənə kasıb
demə,qızım.
Mən bu ağır əmanəti
Cehiz verdim sənə,qızım.
QIZIN CAVABI;
Ah,nə gözəl qoxusu var orpəyimin
Mənə örpək bəxş eyləyən
əllərinə qurban olum,
Anam mənim.
Qazlıq dağı çiçəkləri ,gülləriylə çətirlənib.
Burlaxatun,Banuçiçək nəfəsiylə ətirlənib,
Bu dünyanın malı-pulu
Dağlarımın, düzlərimin
bir çiçəyi,bir gülüycən
Gəlməz mənə.
Zənginlərin imarəti,eyş-işrəti
Örpəyimin bir saçağı,
bir teliycən gəlməz mənə.
Dədəm Qorqud kəlməsindən
Öyüd alaın o müqəddəs
Qolça Qopuz sazıyam mən,
Nə qədər ki bu örpəyim başımdadır,
Bu torpağın ən dövlətli qızıyam mən
Qızın sözləri:/musiqili bayatı/
Mən aşiqəm yoluna,
Çiçək düzüm yoluna
Vətənin ətri hopub
Örpəyimə,şalıma.
Allı-güllü yaylığım,
İpək telli yaylığım.
Sülh quşusan ellərə
Adın bəlli,yaylığım.
Mən aşiqəm dağ kimi,
Bağça kimi,bağ kimi
Qaldırım başım üstə
Örpəyi bayraq kimiş
06.03.2019
Tamara Rustamova Tənha Bulud
www.kafiye.net
Yorum Yapın