şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Çingiz Kürdəmirli Kategoriler
A yaza, yaza
Şair olsa idin, dostlarım kimi,
Şeir yazardınmı, Ayaz, ayaza?..
Görən olubdumu, dostlarım, kimi,
Bir – iki söz tapıb, ayaza yaza?
Dərdimizdən
Ayıra bilmədik ağı qaradan,
Saldı saçımıza çox dərdimiz dən…
Bu cür xəlq eləyib bizi Yaradan,
Söhbət açammırıq heç dərdimizdən.
Sarsılmış ürəkdi
Bürüyüb qüssə-kədər, əjdahatək kamına çəkdi,
Bir ömür getdi hədər, hər şeyə bais bu fələkdi.
Qələmim həssas idi, hər sətirin ünvanı vardı,
Bilirdim yazdığımın var dəyəri…Xalqa gərəkdi.
Qismət olsun
Var-dövlət heç nə demir,
Ol, sənə qismət olsun,
Mənə bir sağlam ömür,
Pul sənə qismət olsun.
İtirmədim soy-kökü,
Seçirəm tükdən, tükü,
Çiynimə qeyrət yükü,
Çul sənə qismət olsun,
Öz sözümü deyirəm,
Şər zamanda xeyirəm,
Nəyim varsa yeyirəm,
Zıl sənə qismət olsun.
Məsləhətim əbəsdi,
Səndə vara həvəsdi,
Mənə qarışqa bəsdi,
Fil sənə qismət olsun.
Haqlı-haqsız söyülən,
Yerli-yersiz əyilən…
“Püli-Sirat”* deyilən,
Qıl sənə qismət olsun.
Yaranır xoş bir əhval,
Görsəm, ağ yanaqda xal,
Dadmayasan matah mal,
Çil sənə qismət olsun.
Döy gözünü mal kimi,
Bax Çingizə hal kimi,
Gah zəhər, gah bal kimi,
Dil mənə qismət olsun.
Püli-Sirat* – Qıl körpü
Çingiz Kürdəmirli
Busə, sinə.
Yatmışdım, qəfil ayıldım,
Taleyimin bu səsinə…
Fələk məni qarğıyırdı:
–“Həsrət qal, yar busəsinə!”
Balasərdi
Hacı Vahid mənə sifariş etdi,
Dedi yaza bilsən, bax…Bal əsərdi…
İlham pərim, indi sən kömək et di,
Bu təcnisdə qafiyə Balasərdi.
Barış mənimlə.
Günahım yox, bu ki sənə əyandır,
Ağ bayraq qaidırım, barış mənimlə,
Sevgi məşəlini əlinlə yandır,
Girək eşq oynuna, yarış mənimlə.
Dost umanda
Görəsən qalıbmı daha,
Bu dünyadan dost uman, da?
Deyin, niyə çıxır yoxa,
Öz dostundan dost umanda!?
Yaddaşımızdan
Hamımız narazıyıq zehnimizdən, yaddaşımızdan,
İnternet sevgisi məhrum eləyib sirdaşımızdan.
Gör nələr bəxş eləyib, öz elmi ilə neyrocərrah,
Güzgüyə nəzər salıb, zövq alırıq göz-qaşımızdan.
Qəlbim Bankomat kimidir.
Bax ekrana, feyziyab ol,
İndi hamı şad kimidir,
“Halal”dı tutulan bu yol,
Bizə etimad kimidir.
