şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Əziz dostlar, dünən Hacı Vahid dostum
mənə bir namə göndərib demişdi ki,
“Balasərdi” sözündən istifadə edib, heç olmasa,
Üçcə bəndlik bir təcnis yaza bilərsənmi?
Dedim ki, lap atasını da yandıraram. Amma
Bu işin içindın təxribat iyi gəlir)))). Mən
Elə bir adam tanımıram, əgər instident baş
versə, babalı sənin boynuna.
Balasərdi
(təcnis)
Hacı Vahid mənə sifariş etdi,
Dedi yaza bilsən, bax…Bal əsərdi…
İlham pərim, indi sən kömək et di,
Bu təcnisdə qafiyə Balasərdi.
Çoxa güc çatmadı, etdim azı ram,
Bəzən şeirimdə yolu azıram,
Oxuyanda bircə demə, a…zıram..
Cümlə işə bais, a bala , “sər”di.
Yaş dilini dodaqla sıx, quru yum,
Təsəllidən mənə yataq qur,- uyum,
Elə söz de ayaq üstə quruyum,
Heç kəs söyləməsin ki : – “Bala, sər di!”
Hər əsən meh ola bilməz küləy(k), ə.
Qanmazın başına olsun kül, əyə!
Vaxt var idi təbim dönüb küləyə,
Coşub qasırğatək “on Bal” əsərdi.
Susmaram etsələr lap tikə – tikə,
Xalq öyrəşib, gərək borc alıb, – tikə.
Kimisi tapmadı çörək bir tikə,
Kimisi cəmdəyin a, bala sərdi…
İmkanlısa, qaçır ata “Bal Ay”a,
Vahid! Sahib çıxmır ata, balaya…
Görərsən ilişsən, ata – balaya,
Səni ata yudu a, bala sərdi!
Sözlərinə əsil yazar rəng qatar,
Cibində biletin, gedibdir qatar,
Çingiz söz söylədi sənə bir qatar,
Dincəl indi sən də, a Balasər, di!
19.06.2019.
Çingiz Kürdəmirli.
www.kafiye.net
Vahid
Haziran 19th, 2019 09:05
Eşq olsun şair dostuma!!!
Vahid
Haziran 19th, 2019 09:07
Çingiz dostuma “Balasərdi” rədifli təcnis sifariş etmişdim. Dostum xahişimi yerinə yetirib, çox gözəl bir təcnis yazdı. Təcnisi oxuyandan sonra əlim (bəlkə də ürəyim) dinc durmadı. Ona bir nəzirə yazdım. Cinaslar hamısı Çingiz dostumundur. Balasər də bəyəndi, ay Çingiz. Sənə də salamı var. Balasər şer yazmır, amma şerə qiymət verəndir.
Hə, Balasər onu da dedi ki, hələ heç kim bu rədifdə təcnis yazmayıb. İmkan olsa, bu sözün müəlliflik hüququ haqqında arayış alacaq)))
Bütün dostları salamlayıram!
Balasərdi…
(Dostum Çingizin “Balasərdi” təcnisinə nəzirə)
Bir sifariş verdim dostum Çingizə,
Mövzusu xoş, özü də bal əsərdi.
Saz ilə, qələmlə girdi meydana,
Elə bil Koroğlu, ya Balasərdi…
Çox əlləşdim, amma etdim azı ram,
Yaşdandımı, ya qanmazam, ya zıram?
Sərxoş kimi hər gün yolu azıram,
Yolumu çaş edən a bala, sərdi…
Yazıq canım, mən nə qədər qor udum?
Yandı canım, üst – başımı qorudum.
Vücudumu yenə sardı quru “dum”,
Demədi yaş yudun, a bala, sər di…
Səpələdi üz – gözümə kül, əyə,
Rəvadırmı, qamətimi kül əyə?
Tay tutmadım həzin mehi küləyə,
Nə bilim, meh dönüb on bal əsərdi?
Şəhər toz içində, nə tik ha tikdi?
Kim sökür, yerində kim nəyi tikdi?
Oğulsan, sökdüyün ürəyi tik di,
Onda inanaram, bu bala ərdi.
Hazarat, kim qoyub bala bal adı?
Bal döyül, bu bal da başa baladı…
Atanın boynunu əyən baladı,
Balasız ömür də ay bala, şərdi…
Aşıqəm, sinəmdə söz qatar, qatar,
Çingiz şəkər qatsa, Vahid bal qatar…
Bal qatdın, anladım bir az da qat ar,
Sağ ol de, nə olar, ay Balasər, di…
19.06.2019