şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Sən də,mən də gülüm,ayrı dünyada…
Ayrıdı cığır da,ayrıdı yol da.
İzlərimiz bir-birinə qovuşmaz
Min iı sonra nə o cığır,o yolda.
Nədən soldu,ey gülüstan,güllərin?
Nədən gəldi belə xəzan üstünə?
Səni gördüm,dumanlandı gözlərim,
Səssiz yandım…boğuldum öz tüstümə.
Sən,ey mənə tən eyləyən,
Nə edim ki,bu olmuşam?!
Ömrün-günün bu yaşında
Sevib,təzdən vurulmuşam!
Gəlin,gəzin, deməyin ki,
Qəm bağçası,ah-zaram mən.
Şeir-sənət aləmində
Bir solmayan gülzaram mən!
Didib,parçalayıb özü-özünü,
Unudub Allahı,unudub bəşər.
Baxır da,susur da,seyr edir Allah,
Haqq olub müttəhim,hakim olub şər.
İnsan oğlu,insanlığa nə yazıq!
İnsan olub,imsanlıqda dayazıq,
İnsanlığı çalıb-çapan dəryazıq,
Çalınan insandı,çapan da insan!
Bir bağ vardı,bülbülü mən,
Məni o bağa qaytarın!
Min eşq ilə havalanıb,
Uçduğum çağa qaytarın!
Bu ağac altıydı görüş yerimiz…
Bu ağac altında sevdik,dalaşdıq.
Bu ağac altında olub sarmaşıq,
Sən mənə,mən sənə gülüm,dolaşdıq.
Bəxt eylədi qərib məni,
Başı qarlı,ulu dağıar!
Duman gəldi,çən bağladı
Sənə doğru yolu,dağlar!
Səndən yana darıxmışam necə də?!.
Ürəyim titrəyir,yarpaqtək əsir.
Titrəyə-titrəyə səni görməyə
Ah,necə tələsir,necə tələsir!..