şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Niyə özgə oda məni atırsan,
Od ver, öz oduna qalanım sənin.
Bəlkə qaşlarını qəstdən çatırsan,
Dərdindən üzülüb,talanım sənin?
Naqis anlamaz ki,danlanır niyə,
Düz sözü deyəndə düzə deyirlər.
Sinəni oxlaya bilən kipriyə,
Məhəbbət dilində nizə deyirlər
Zəng elədin,səsin gəldi,şad oldum,
Bir sözünlə mənə verdin dünyanı.
Bu sevgidən deməyəcəm yoruldum,
Sən ən əziz tənə verdin dünyanı.
Yenə gülə-gülə telin darandı,
Günəşmi qonubdur çöhrənə sənin?
Qəlbimdə gözəl bir süvgi yarandı,
Bəlkə calaq edim pöhrənə sənin?
Necə fəth elədin mənim könlümü,
Könlüm səndən özgə kəsə uymadı.
İstədi aldatsın qənim könlümü,
Sözləri çəp gəldi,nəsə uymadı
Mənə xatirəsən ən xoş günümdən,
Qanın qanımdandır,canın canımdan,
Heç zaman ayrılma mənim yanımdan,
Sən mənim şərəfim,şanımsan,qızım.
Bir zaman demişdim,xəyanət etsən,
Sənə söz demədən çıxıb gedəcəm.
Başqa bir afətin ardınca getsən,
Son dəfə gözünə baxıb gedəcəm.
Naqis anlamaz ki,danlanır niyə,
Düz sözü deyəndə düzə deyirlər.
Sinəni oxlaya bilən kipriyə,
Məhəbbət dilində nizə deyirlər.
Ay ata,dünyadan köçməyə köçdün,
Bilmədin gözlərim nəm qalacaqdı?
Belə köçümünlə bağrımı sökdün,
Könlümün bir səmti kəm qalacaqdı..
Durmuşam qarşında bu mən,o da sən,
Hazıram cavaba məndən nə sorsan.
Mən canlı insanam,çən deyiləm,çən,
Lal duram,dinməyəm çəndən nə sorsan.