şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
GEDECEM..
Bir zaman demişdim,xəyanət etsən,
Sənə söz demədən çıxıb gedəcəm.
Başqa bir afətin ardınca getsən,
Son dəfə gözünə baxıb gedəcəm.
*
Dedim:qıyma qəlbi hicran yalasın,
Qoyma eşqimizi əğyar talasın,
Əzabla tikdiyim bu eşq qalasın,
Bir göz qırpımında yıxıb gedəcəm.
*
Namərdlik eyləsən görünmə gözə,
Sıxılma,suçunu vurmaram üzə,
Bir də gəlməməkçün sənlə üz-üzə,
Sakitcə dişimi sıxıb gedəcəm.
*
Eşqimlə bir saray hördüm adına,
Bir daha sən məni salma yadına,
Məni saldığın tək bu qəm oduna,
Səni də yandırıb,yaxıb gedəcəm.
Nazlı Hacılı.
5.08.2015.
www.kafiye.net
Yorum Yapın