şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
KİM QALACAQ..
Ay ata,dünyadan köçməyə köçdün,
Bilmədin gözlərim nəm qalacaqdı?
Belə köçümünlə bağrımı sökdün,
Könlümün bir səmti kəm qalacaqdı..
*
Əli qoynundadır həyat həmdəmin,
Saçıma hücumu başlayıb dənin,
Yəqin heç zənninə gəlmirdi sənin,
Sən getsən qəlbimdə qəm qalacaqdı.
*
Fəxr ilə səslənir ismində ismin,
Gözümə həkk olub vüqarlı rəsmin,
Əlvida desə də cismimə cismin,
Xatirən bizimlə cəm qalacaqdı.
*
Çaldəğım dərd adlı tarın simidir,
Gözümdə işaran hicran nəmidir,
Deyərdim nəsil də insan himidir,
Himindən bərk olsa him qalacaqdır.
*
Pis qəbul etməsin ulu yaradan,
Yer gələr ayrılar dağ da qayadan,
Nazlı da köçəcək bir vaxt dünyadan,
Qurdla qiyamətə kim qalacaqdı?
Nazlı Hacılı.
www.kafiye.net
Yorum Yapın