şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Qızım
Mənə xatirəsən ən xoş günümdən,
Qanın qanımdandır,canın canımdan,
Heç zaman ayrılma mənim yanımdan,
Sən mənim şərəfim,şanımsan,qızım.
*
O gözəl gözlərin hey gülümsəsin,
Aləmə yayılsın xoşbəxtlik səsin,
Qəlbin əzab,kədər,çilə görməsin,
Bu günüm,sabahım,danımsan,qızım.
*
Əlimlə oxşaram mən tellərini,
Öpərəm bəmbəyaz gül əllərini,
Rəbbim açıq etsin bu yollarını,
Sən mənim gözümdə xanımsan,qızım.
*
Qəm çəkib üzülsən,mən də ölərəm,
Səninlə ağlaram,sənlə gülərəm,
Ömrümü səninlə tən də bölərəm,
Damarda dolaşan qanımsan ,qızım.
*
Hələ yaşamalı günlərimiz var,
Üzünə güləcək çox yaz,çox bahar,
Gözəl ömrün olsun daim bəxtiyar,
Nəfəsim,səsim,həm ünümsən ,qızım.
Nazlı Hacılı.
9.08.2014.
www.kafiye.net
Yorum Yapın