şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
BİRGƏLİK..
Durmuşam qarşında bu mən,o da sən,
Hazıram cavaba məndən nə sorsan.
Mən canlı insanam,çən deyiləm,çən,
Lal duram,dinməyəm çəndən nə sorsan.
*
Qur öz tərəzinini eşqi tən götür,
Dünyanın malını,varı bölməyək.
Nəyi bölürsən böl,çoxu sən götür,
Gəl bu birgəliyi yarı bölməyək.
*
Hələ yaşayırıq,nəfəsimiz var,
Gəl suç olanları yaddan çıxaraq.
Qoy başda dayansın inam,etibar,
İnsafı yandığı oddan çıxaraq.
*
Yumaz,yuya bilməz çay ləlik olsa,
Töksən bir okean su birgəliyə.
Bizim bizliyimiz birgəlik olsa,
Dağ da güc gələmməz bu birgəliyə.
Nazlı Hacılı.
Yorum Yapın