şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Təvəkkül Goruslu Kategoriler
XOŞBƏXT OLACAQ
Sehrkar çubuqdu qələmim mənim,
Yazdığım oxusan hüzur taparsan.
Qələmlə vəhdətdə əməlim mənim,
Sən məni misramda hazır taparsan!
DESİNLƏR
Nə yüz yaşayasan, nə də ki, min il,
Halal yaşayasan, düz yaşayasan!
Məqsədə, arzuya olasan nail,
Ayını, ilini yüz yaşayasan!
DÜZƏLMİR
Sağdan vuran, soldan vuran çoxalıb,
Nişan alıb kürək busan azalmır.
Vurhavurda ürək yazıq yuxalıb…
Adam olan düzəlmir ki, düzəlmir!
OLMUR
Sən məndən nigaran qalma, əzizim,
Ələnib ələyim,göydə xəlbirim!
Qısqanıb günahım alma, əzizim,
Sənsən can sirdaşım, eşqdə əlbirim!
QABARDI
Hər gün əldə qələm “vətən” yazıram,
Vətəndə vətənsiz “vətən” yozuram,
Oxayanı yoxdu, yazıb- pozuram,
Yazmaqdan, pozmaqdan əlim qabardı!
İNCİMƏ
Gözlərim heyrətdən çaş kimi olub,
Ürəyim həsrətdən daş kimi olub,
Vüqarım qeyrətdən boş kimi olub,
Sən məndən incimə, incimə vətən!
ƏSKİLİN
Hər il ömrümüzdən bir yarpaq düşür,
Qarabağ yarpağı, vətən yarpağı!
Qəlblərdən könülə odlu ah düşür,
İşğalda inləyir vətən torpağı!
VAR OLMAZ
Dəli külək kimi yaman əsirsən,
Çəkmisən qılıncı, aman kəsirsən,
Hədən inciyirsən, nədən küsürsən,
Bu qədər dərd çəkmək, ahu- zar olmaz!
QİSAS SÖYLƏYİR
Bu qədər iztirab çəkmədi heç kim,
Bu qədər heç ölkə tikələnmədi!
Bu qədər şəhidlər əkmədi heç kim,
Namusu, şərəfi ləkələnmədi!
QINAMAYIN
Həyatını doya- doya yaşayanlar,
Həyatından bezənləri qınamayın.
Yumşaq-yumşaq sinirləri qaşıyanlar,
Ruha uyub gəzənləri qınamayın!
