şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Solmaz ŞİRVANLI Kategoriler
Çiçək qoyardı!
Bir qızım olsaydı adını Dəniz,
Oğlumun adını Xəzər qoyardım,
Basardım bağrıma hər ikisini,
Öpüb əzizləyər,bəlkə doyardım!
QALDI
Candan can ayırram,can deyən olsa,
Can qurban verərdim mən deyən olsa,
İnsanın evini bilin nə yıxar,
Yüz min yeyənin yox,bir deyən olsa!
QƏZƏL
Yarım məni sevsən əgər,gəl dərdimə dərmanım ol,
Ya da öldür,xilas eylə,sən qətlimə fərmanım ol!
Qoyma böylə qəm içində,həsrətin odunda yanım,
Sevindir tək bir sözünlə,sevgi dolu ümmanım ol!
Anadır,ana!
Övladın bəzəyi,şahı-sultanı,
Belinin dirəyi anadır,ana!
Gəlin sağlığında qədrini bilək,
Döyünən ürəyı, anadır-ana!
Aydın sabaha!
Gəl böylə qəm çəkmə ey könül daha,
Uzaq ol qüssədən,bağlan Allaha,
Qadirdir,Sübhandır,O Xudam özü,
O səni çıxardar aydın sabaha!
Necə yazmayım???
Necə yazmayım??? Lalə yanağımda yaş izin salıb, Bayırda saxta var,qış izin salıb, Bəxtimə qaranlıq tuş izin salıb, Bu qara günümdən necə yazmayım? Nə qapımı açan,nə gələnim var, Nə halımı şoran,dərd bilənim var, Mənim bu halıma çox gülənim var, Haraydan,ünümdən necə yazmayım? Bir ömür qaranı geyib əynimə, Tənhalıq sözünü saldım beynimə, Allah, işim qalıb necə,neynimə, Bu […]
YENƏ
Gözlərimin yaş qarasın aparır,
Dərdlərimin son çarasın aparır,
Qaysaq tutan bax yarasın qoparır,
Qışın buz soyuğu üşüdür yenə!
Bu dünya!
Bu dünya sirr dolu,sehr doludur,
Kiminə arxadır,vuran qoludur,
Mənimçün röyadır, həsrət yoludur,
Sirri açılmamış sirdi bu dünya!
Sevgi şeri yazmayacam!
Dostlar sizə bir söz deyim,
Sevgi şeri yazmayacam!
Sevgi sözün ucuz tutub,
Ona məzar qazmayacam!
Bu yollar məni!
Alıb qanadına aparır yenə,
Acılı,şirinli xəyallar məni,
Qəlbimdə tufanlar qoparır yenə,
Giriftar eyləyir bu hallar məni!
