şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Çiçək qoyardı!
Bir qızım olsaydı adını Dəniz,
Oğlumun adını Xəzər qoyardım,
Basardım bağrıma hər ikisini,
Öpüb əzizləyər,bəlkə doyardım!
*
Gəzdirər dağların gədiklərini,
Nagıltək söylərdim bildiklərimi,
Açıb darayardım hörüklərini,
Bəlkə gündə min yol saçın yuyardım!
*
Qoymazdım toxuna ayağına daş,
Hər qədəm qoyanda mən qoyardım baş,
Düzərdim boynuna mirvari, daş-qaş,
Pis nəfis salanın gözün oyardım!
*
Bir Ana sözünə min” Can” deyərdim,
Olmazdı kədərim,nə də ki,dərdim,
Onların yolunda qurban gedərdim,
Bircə həniriylə onu duyardım!
*
Hər kəs ozüyçünmüş,qohum həm də yad,
Bir övlad dərdindən olmuşam boyad,
Dilimdə nalə var,qəlbimdə fəryad,
Olsaydı onlara canı qıyardım!
*
Solmazam, ömrümü vuranda başa,
Övladım olaydı duraydi qoşa,
Aglayib-sizlayıb,verib baş-başa,
Getmə anam deyib, ürək oyardı,
Məzarım üstünə çiçək qoyardı!
13-04-2018
Solmaz Şirvanlı
Yorum Yapın