şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
EYLƏMƏRƏM…
Mən vətən qızıyam,vətən mənimdir,
Mən mənim olana şəkk eyləmərəm.
Vətən sevməyənə yaşam qənimdir,
Ölsəm bu sevgimi tərk eyləmərəm.
*
Ona məhəbbətim qoymaram sönə,
Hər cür möhnətinə gərərəm sinə,
Məni bir dərk edən vətəndir yenə,
Vətənsiz heç nəyi dərk eyləmərəm.
*
Gözüm yaş olanda mehriylə silir,
Qəmimi çiçəyin şehiylə silir,
Köçəndə torpağı qol açır,bilir,
Mən özgə vətəndə koç eyləmərəm.
*
Ürəklə gəzərəm belədən belə,
Onun zərrəsini vermərəm yelə,
Mən elə vurğunam yurduma,elə,
Dərdimi mən ona yük eyləmərəm.
*
Nazlıyam,el sevir məni mən kimi,
Olsam da hamıya yaxın,tən kimi,
Ərkim vətənimə ərk edən kimi,
Bəlkə özümə də ərk eyləmirəm..
Nazlı Hacılı.
www.kafiye.net
Yorum Yapın