şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Məni unutdunmu?!
Nə soragin gəldi , nə səsin yoxdu,
Üstumdə əsdiyin nəfəsin yoxdu,
Səndən başqa inan, bir kəsim yoxdu,
Məni unutdunmu , yoxsa İlahi?!
Bəlkə də dərdimi deyə bilmədim,
Özümü unudub səni dinlədim,
İçimdə ağrıdım, səssiz inlədim,
Məni unutdunmu , yoxsa İlahi?!
Diqqətdən kənarda qaldım, keçmədi,
Bəxtimə düşəni aldım, keçmədi,
Ruh halı, xəyala daldım, keçmədi,
Məni unutdunmu , yoxsa İlahi?!
Özümə qapandım, küsdüm göylərdən,
Açilan əlimi üzdüm göylərdən,
Suallar içində bezdim göylərdən,
Məni unutdunmu, yoxsa İlahi?!
Bədahətən.Qələmsiz yazılanlar.
7.10.2021.
Xuraman Camalqızı
www.kafiye.net
Yorum Yapın