şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
QAYITMA GERİ
Özün öz xoşunla baş alıb getdin
Dərk edə bilmədim mən heç bu sirri.
Əğyar qapısında ağac tək bitdin
Bir daha qayıtma,qayıtma geri.
*
Düşdün nəzərimdən daha fayda yox
Sənin ucbatından çox dərd çəkdim,çox
Vurdun ürəyimə zəhərli bir ox
Qoymadın özünə azca üz yeri.
*
Sən belə deyildin başdan,əzəldən
Heç ilham almazdın başqa gözəldən
Əhdə xilaf çıxdın sanki yüz əldən
Səni başdan etdi namərdin biri.
*
Soyuq davranışın,yalan dillərin
Qurutdun əkdiyin sevda güllərin
Gedib yad əlləri tutdu əllərin
Bu eşqi dəfn etdin sən diri-diri…
Nazlı Hacılı.
www.kafiye.net
Yorum Yapın