şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
YENİ İLİN MÜBARƏK.
Xoş arzular asimana bülənsin,
Yerə-göyə,sülh nəğməsi ələnsin,
Gülləyə yox,Vətən gülə bələnsin,
Dilə gəlib qoy söyləsin hər ürək,
Azərbaycan,yeni ilin mübarək!
Müqəddəsdi övladına torpağın,
Şir biləkli oğullardı dayağın,
Səmaların bəzəyidi bayrağım,
Qoy ələnsin qucağına gül-çiçək,
Azərbaycan,yeni ilin mübarək!
Bənzəyirik coşqun-daşqın selinə,
Yox,tapılmaz dönük çıxan elinə,
Bir kəmərtək bağlanmışıq belinə,
Diləyimiz olub sənə xoş dilək,
Azərbaycan,yeni ilin mübarək!
Dildən-dilə düşüb şanın-şöhrətin,
Əzəmətin,dəyanətin,qüdrətin,
Məğrur dayan,bükülməsin qamətin,
Əyə bilməz səni əsən hər külək,
Azərbaycan,yeni ilin mübarək!
Dağlansa da dağ sinəsi dağların,
Dönəcəkdi gülüstana bağların,
Qayıdacaq yenə xoşbəxt çağların,
Oymayacaq gül köksünü top-tüfəng,
Azərbaycan,yeni ilin mübarək!
Zaur VEDİLİ
30.dekabr.1994.
www.kafiye.net
Yorum Yapın