şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Buludlar
üstündə yazılan dastan
Aşiq olduq, sevdik bir – birimizi,
Elə bildik Dünya cənnət kimidir,
Gördük insanların iki üzünü,
Anladıq ki, hər yer zindan kimidir!
Quşların həyatı maraqlı gəldi,
Yox idi onların kədəri, dərdi,
Bütün gün oxuyub, cəh – cəh edərdi,
Onlar bir – birini qəlbdən sevərdi!
Uymadıq Yerdəki zənginliklərə,
İki qəlb birləşib, uçduq göylərə,
Hər kəsdən uzağa, ənginliklərə,
Buludlar üstündə bir yuva qurduq.
Göz – gözə baxmaqdan heç vaxt doymadıq,
Gəzib dolaşmaqdan biz yorulmadıq,
Küsüb – barışmadıq və ayrılmadıq,
Bir ömür sevərək yaşaya bildik!
Buludlar üstündə bir dastan yazdıq,
Bütün insanlığa sevgi payladıq,
Yer üzünə enib, halallıq aldıq,
Ruhu candan alıb, göyə ucaldıq.
Müəllif: Elmaya Cabbarova
01.07.2022.
www.kafiye.net
Yorum Yapın