şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
D O S T
Qardaşdan, bacıdan fərqli bir insan,
Hər şeyi onunla yarı bölürsən.
Gün gəlir, o olur qəlbinə həyan,
Onunla sevinib, birgə gülürsən.
Dostluğun hikməti sözdə deyildir!
Vəd verib, tutduğu əməlindədir!
Yalançı, riyakar, o dost deyildir!
Sadiqlik, dürüstlük təməlindədir!
Dostluq şəfəqinin üfüqündəsən,
Uzaqdan duyulan bir nəğmədəsən,
Mənim dostluğuma sən namizədsən,
Düşsün o kitaba adın, təzə dost.
Unutma, “dost dosta tən olsun gərək,”
Tən olmazsa uzaq olsun, gen olsun,
Qəlbi təmiz olsun, saf olsun gərək,
Dostluqlar çox olsun, Dünya şen olsun.
Müəllif: Elmaya Cabbarova
15.07.2022.
www.kafiye.net
Yorum Yapın