asəmən gülü


Bu çiçəyin ətri bihuş edici,

Hər sevən ürəyə nüfuz edici,

*Yasəmən ətirli* olur sevgilər,

Əsərlər yazılır məftun edici.




Romanlar oxunur sətir – bə sətir,

Xəyallar dolanır dağda, aranda,

Tutub başımıza həsirdən çətir,

Nəğmə oxuyuruq, yağış yağanda.




Yasəmən adında olan qızların,

Yarına sevgisi, vəfası olur,

Əhdi-peymanına sadiq oğlanın,

Ömrünə yazılmış sevdası olur.

Müəllif: Elmaya Cabbarova.

01.07.2022.

www.kafiye.net