şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Sevmək gərəkdir
İnanma yadların yağlı dilinə,
Bir addım önünü görmək gərəkdir!
Şübhələn, bəlkə də bir uçurum var,
Qurulmuş hiyləni çözmək gərəkdir!
Aldanma gördüyün parlayan daşa,
O qızıl deyildir, vurarlar başa,
Heyif, anlayırsan dolanda yaşa,
Bunu əvvəlindən bilmək gərəkdir!
El – oba malını tar – mar edənlər,
Yığıb vaqonlara, peşkeş edənlər,
Yeyib harınlıqdan hay – küy edənlər,
Əvvəlcə bir toxum əkmək gərəkdir!
VƏTƏN! deyib, gözdən pərdə asanlar,
Guya, qan – tər töküb, hey çalışanlar,
Qaçıb, yad ellərdə məskən salanlar,
Bilin, Vətən üçün ölmək gərəkdir!
Mənim də payım var, istəmək üçün,
Daş üstə daş qoyub tikmək gərəkdir!
Mən də buralıyam, söyləmək üçün,
İlk öncə Vətəni sevmək gərəkdir!
Müəllif: Elmaya Cabbarova
13.07.2022.
www.kafiye.net
Yorum Yapın