şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Bir qadına.Olmuş əhvalat…Və indi peşman olduğunu da bilirəm doğmalardan uzaqda…
Ta Allah da yer üzünə baxmadı
Bir zaman eşqinə and içən qadın,
Kim səni aldatdı,bu günə saldı?
Elə uydun,elə döndün,dəyişdin,
Əməlinə şeytanlar da çaş qaldı.
Kim səni aldatdı,bu günə saldı?
Andın-amanın da döndü,dəyişdi.
Yer də,göy də- hər şey döndü tərsinə,
Dil damaqla,damaq dillə əyişdi.
Elə uydun,elə döndün,dəyişdin,
Bənzəmədin o əzəlki özünə.
Söndü o atəşin,söndü odun da,
Kül ələndi məhəbbətin gözünə.
Sənin əməlindən, sənin üzündən
Leyli də,Şirin də yalana döndü.
Məcnunun,Fərhadın qəlbi tarimar,
Kərəmin dünyası talana döndü.
Leyli də,Şirin də,Əsli də yalan,
Yetmədi köməyə nə din,iman da.
Bundan belə məhəbbətə,sevgiyə
Nə inam qalmadı,nə bir güman da.
Yer də,göy də,hər şey döndü tərsinə,
Yay od ələmədi,qış qar yağmadı.
Sənin əməlindən,bu bəd işindən
Ta Allah da yer üzünə baxmadı…
MƏZAHİR İSGƏNDƏR
www.kafiye.net
Yorum Yapın