şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
MƏNİM
Məndən gileylənən əziz qardaşım,
Özgə ocaqlarda qarışıb başın,
Özgələr olubdur dostun-sirdaşın,
Sən ki, çıxmamısan yadımdan
mənim.
Yazdığım salama cavab da yoxdur,
Mənim ki, gözlərim həmişə toxdur,
Çoxunun gözünə bir adım oxdur,
Qorxum yox heç kəsin odundan
mənim.
Bilin öz yerimdə kişiyəm, kişi,
Pələngəm-aslanam yırtıcı-dişi,
Yazmaq-yaratmaqdir, şairin işi,
Çoxu yanıqlıdır adımdan
mənim.
Bəxtimə rənglərin qarası düşüb,
Ömrümə ayrılıq sırası düşüb,
Yanağa axan yaş qorası düşüb,
Çıxıbdır gülüşüm yadımdan
mənim.
Daha mən gedirəm arzular para,
Para arzular da qəlbimdə yara,
Çoxu vədə xilaf əhdə-ilqara,
“AYNAZ” ki,qoşadır
adımnan mənim.
Boyum uca idi,sərv tək mənim,
Güllərdən çəkilən bal pətək mənim,
Qəmli havacatlar,ney-tütək mənim,
Od alıb çoxları odumdan
mənim.
Təbrizli Aydından ad almışam mən,
Ustad Səhriyardan od almışam mən,
“Xalqın Şairi” tək şad olmuşam mən,
Sevinsin el-aləm
“şad”ımdan mənim.
Solmaz Şirvanlıyam,”Cəvahir Kəlam”
Təbriz həsrətiylə açılan qolam,
Üzü Savalana yolağa,yolam,
Yollar nur boyanar adımdan
mənim.
Solmaz Şirvanlı {AYNAZ CƏVAHİR KƏLAM}
01-11-2021
Yorum Yapın