şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Hardasan, Məzahir
Hardasan,ay Məzahir sən?
Əlin əldən üzüldümü?
Olan bu Kür,Araz çayı
Gözlərindən süzüldümü?
Nə gördüyün sonsuz səma,
Nə yağış o yağış deyil.
Nə tuşlanan,baxan bu göz,
Nə baxış o baxış deyil!
Hardasan,ay Məzahir sən?
O od-ocaq,köz söndümü?
Yoxa çıxdı dost-tanış da,
İndi səndən üz döndümü?
Nə gördüyün bu bağça-bağ,
Nə də bu dağ o dağ deyil.
Nə gördüyün gecə-gündüz,
Nə də bu çağ o çağ deyil!
Hardasan,ay Məzahir sən?
O gördüyün yox oıdumu?
Sənə həsrət gözəllər də
İndi xəncər,ox oldumu?
Nə yoluna,nə başına
Yağan bu daş o daş deyil!
Nə əl-ayaq,nə bu göz-qaş,
Nə də bu yaş o yaş deyil…
…Görənlər də necə desin
İndi kimsən,ya ki nəsən?
Yerdən-göydən əlin üzüb,
Hardasan,ay Məzahir sən?
Məzahir İsgəndər
30.05.2021
www.kafiye.net
Yorum Yapın