şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
SƏN DƏ, MƏN DƏ
AYRI DÜNYADA
Sən də,mən də ,gülüm,ayrı dünyada,
O da,bu da bənzərsizdi,fərqlidi.
Mənim dünyam mənim kimi müəmma,
Sənin dünyan
dəlisovdu,dəlidi.
Bu dünyalar bir-birinə bənzəməz,
Bir ayrı cürədi rəngi,dadı da.
Bir ayrı tərəfə,bir özgə səmtə
Çapar da hərəsi fərqli
atında.
Bir ayrı cürədi rəngi,dadı da,
Birində bahardı,birimdə qışdı.
Birində dan çağı,sübhə hazırlıq,
Birimdə axşama
day,yır-yığışdı.
Birində bahardı,birində qışdı,
Birisi sükutdu,biri çal-çağır.
Birisi min sevinc,min şən sədalı,
Birisi kədəri gözündən
sağır…
Birisi lal sükut,biri çal-çağır,
Birində gündüzdü,birində gecə.
Birisi istəmir yatsın,uyusun,
Birisi anlamır ki necə
yatsın?
Birisi gündüzdü,birisi gecə,
Birisi nəğmədi,birisi ağı.
Birisi gecikən mehdən gileyli,
Birisi əbədi,sönməz od
dağı!..
… Ürəyini qurd yemiş bir dənizdə
Sən də,mən də ayrı düşmüş bir ada.
Səs-səsə yetişməz,əl-ələ yetməz,
Sən də,mən də,gülüm,ayrı dünyada…
Sən də,mən də gülüm,ayrı
dünyada…
Məzahir İsgəndər
17.05.2021
Yorum Yapın