YENİ KƏŞF.



Həsrətə gor qazıb,gor göstərməsək
Yaşamdan bac alıb yaşayacaqdır.
Biz ona dərs keçib,dərsin verməsək
O bizi məzara daşıyacaqdır.
**
Nəfsim nəhs edəndə nəfsimi sildim
Sazım səhv çalanda səhv simi sildim
Tutaq ki,gözümdən əksini sildim
Bəs qəlbdən kim onu qaşıyacaqdır?
**
Pak paksa durulur min yol lil etsən
Haqq haqsız kor etməz,gözə mil etsən
Eşq eşqsə yandırıb qara kül etsən
Eşq versən yenidən başlayacaqdır.
**
Qəlb xoşbəxt döyünər,xoşbəxt sazlasan
Dərddən dərd törənərdərd xapazlasan
Elimə bir zərrə daş tulazlasan
El səni elliklə daşlayacaqdır.
**
Xalqdan vəsf alıbdır kim vəsf edibdir
Vəsfdə yer almayan qəm kəsb edibdir
Hacılı yeni bir xış kəşf edibdir
Kasıb idrakları xışlayacaqdır…



Nazlı Hacılı.
www.kafiye.net