şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
SƏNİ SORUŞUR
Səninlə maraqlanır tanıyan,tanımayan
Çoxdandır görünmürsən,ellər səni soruşur.
Sanki sənin gedişin olub hər kəsə ayan
Birlikdə əkdiyimiz güllər səni soruşur..
*
Eşqimizin sorağı yayılıb eldən-elə
Səni qısqanırdım mən hər çiçəyə,hər gülə
Bir zaman bəxtiyardıq,sənlə verib əl-ələ
Birgə yürüdüyümüz yollar səni soruşur.
*
Nəzərmi dəydi bizə,ama biz çox sevərdik
Bu sevdanın uğruna canı qurban verərdik
Əl-ələ,göz-gözəydik,eşq gölündə üzərdik
Sevgimizdən bəhs edən dillər səni soruşur…
*
Gedşinlə qəlbimə həsrətini yaydım mən
Günləri,saatları birər-birər saydım mən
Ürəyimin qabığın nisgil ilə soydum mən
Gözlərimdən başlayan sellər səni soruşur…
*
Ayrılığın acısı yoluma qəm səpir,gəl
Bu zavallı ürəyim təzə dərdlər tapır,gəl
Ürəyimdə,canımda fırtınalar qopur,gəl
Boşuna xərclədiyim illər səni soruşur.
Nazlı Hacılı.
www.kafiye.net
Yorum Yapın