şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Həsrət məni həlak etdi bil artıq,
Bircə anlıq vüsalın çox şirin,gəl.
Hər nə qədər uzaq olsa yol artıq,
Addım-addım,qədəm-qədəm sürün ,gəl.
*
Xeyli vaxtdır gözüm gəzir hər yanı,
Sən ki yoxsan neynirəm mən dünyanı,
Yazıq canım bu sevdanın giryanı,
Bəsdir artıq gözlərimə görün,gəl..
*
Nisgil məni yaman hala salıbdı,
Hücum çəkib qəm içimə dolubdu,
Ay insafsız,axı boşca qalıbdı,
Ürəyimin köşəsində yerin,gəl..
*
Hamı kimi gülmür üzüm inan yar,
Ələnibdir saçlarıma indi qar,
Heç buraxmır bu yaxamı ahu-zar,
Sən olmasan yaram işlər dərin,gəl..
*
Aqil adam bir kəlmədən söz anlar,
İnanıram,hər kəs məni düz anlar,
Həyatımı bir tək vüsal düzənlər,
Sən də vüsal libasına bürün,gəl..
Nazlı Hacılı.
20.05.2016.
www.kafiye.net
Yorum Yapın