şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Vətəndən uzaqda məskən salan el oğullarına!
Çağırır!
Qayıdın bu yurda Vətən övladı,
Bir baxın bu Vətən sizi çağırır!
Qoyma gözdə qala arzu-muradı,
Sahibsiz ocağın közü çağırır!
*******
Deyin unudarmı o dağlar sizi,
Meynəli,meyvəli budaqlar sizi,
Çaylar,şəlalələr,bulaqlar sizi,
Göydəki qartalın gözü çağırır!
++++
Gəzib-dolanmayın qərib ellərdə,
Sizinçin darıxır açan güllər də,
O,cənnət məkanı bizim ellər də,
Laləli talası,düzü çağırır!
*******
Qoymayın bu eldə ocaqlar sönə,
Qayıdın bu yurda imana-dinə,
Qayıdın qoymayın siz ağlar günə,
Çayları,çeşməsi izi çağırır.
******
Yazıram, sadiqəm,yurduma-elə,
Vətənsiz bürünnəm qəmə-nisgilə,
Axar gözlərimdən yaş gilə-gilə,
Qızların əllisi-yüzü çağırır.
******
Solmazam,elimin bir sadiq qulu,
Neynirəm dövləti,həm malı-pulu,
Rəbbimə güvəndim,yolum Haqq yolu,
Şairin misrası,sözü çağırır!
Sönən ocaqların közü çağırır!!!
22-01-2017
Solmaz Şirvanlı
www.kafiye.net
Yorum Yapın