şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Məni
Üzü məzarayam yol gedirəm mən,
Uzaqdan görənlər nə bilər məni!
Tökülüb dişlərim,ağarıb telim,
Niyə cavan sanır görənlər məni!
********
Yazdı taleyimi qara Yaradan,
Bilmirəm səsləyir hara Yaradan,
Qoyub hər işimi para Yaradan,
Qəmlərə tuş edib ərənlər məni.
*******
Görər röyalarda görər neçəsi,
Şair könlüm eşq badəsin içəsi,
Sevən könlüm yarçın candan keçəsi,
Çoxdur yoluma gül sərənlər mənim!
*******
Açıb baxça-bağda qızıl güllərim,
Yasəmən,nərgizim,qərənfillərim,
Yersizə nəştərdir acı dillərim,
Nəyimə lazım gül dərənlər mənim?
*******
Deməyin Solmazın dili acıdır,
Yazdığım duadır,dərd əlacıdır,
Burda o hər kəsə sadiq bacıdır,
Olmadı telimi hörənlər mənim!!
27-12-2016
Solmaz Şirvanlı
www.kafiye.net
Yorum Yapın