Zamanla Yaşanan

Zamanla yaşanan xatirələrin,
Daha xəyalimdan ötmək istəmir.
Sensiz geriyə düşmüşəm deyə,
Saat da qabağa getmək istəmir.

Susub saniyələr, lal dəqiqələr,
Nə axşam bəllidi, nə səhər bəlli.
Hər yerdə əksini görərdim, dəli,
Onu da görmürəm heç düz əməlli.

Zaman da ən ağir imtahan imiş,
O mənim qəlbimi ovuda bilməz.
Bəlkə də geriyə dönə bilərsən,
Zamansa geriyə qayida bilməz.

Əqrəblər təkliyi göstərir mənə,
Pünhanə könlümə köcübdür artiq.
Deyirəm nə ücün yuxum tökülür,
Saat 12 dən kecibdir artiq.

Punhane Eliyeva
www.kafiye.net