şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Ikrah oyadır
(yada düşənlərdən)
Bəzi sözlərim çox qəliz,
Əksəriyyəti “saya”dır,
Bir “gözəl”lə müsahibəm,
Adamda ikrah oyadır:
-Sordum ki, nədir namus, ar?
Dedi: – Təyin edər bazar,
Dedim : – Çoxmu fanatın var?
Dedi : – Qoyduğum “maya”dır.
Dedim : – Hanı təmiz niyyət,
Ülvi duyğu, saf məhəbbət?
Dedi : – Dəyər düşüb, əlbət,
Bu da “devolvasiya”dır.
Dedim : – Yəqin, ağlın çaşıb,
Dedi : – Cəhdim sədlər aşıb,
Bədənim avropalaşıb,
Bir az başım “Asiya”dır.
Dedim: – Deyilsən yar kimi,
Dedi : – Coşma “xiyar” kimi,
Dedim : – Nədir bu nar kimi?
Dedi : – “Naviqasiya”dır.
Dedim : – Gözəl, bu nə dondu?
Damarımda qanım dondu…
Dedi : – Yubka etalondu,
Sevgim ondan da qısadır.
Vücudu gəlmədi xoşa,
Bənzədi ayrı cür “quş”a,
Çingiz düşə bilmir başa,
Bu necə Formasiyadır?…
Çingiz Kürdəmirli
www.kafiye.net
Yorum Yapın