şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Ya Hüseyn!
Yazıram nöhəni sənin adına,
Nə qədər ömrüm var yanar oduna,
Özün yetiş Ya Hüseyn dadıma,
Gecə gündüz ağlayıram Ya Hüseyn,
Sinələri daglayiram Şah Hüseyn!
*
Ulu Peyğəmbərin varisi idin,
O zalim Şümürdən zülümlər yedin,
Canı din yolunda qurban eylədin,
Mən də sənə ağlayıram Ya Hüseyn,
Başa qara bağlayıram Sah Hüseyn,
*
Lənət olsun həm Şümürə,Yezidə,
Al qoynuna Kərbubəla bizi də,
Qan ağlayır o Kərbəla düzü də,
Nöhə deyib ağlayıram Ya Hüseyn,
Sənə umud bağlayıram Şah Hüseyn!
*
Fatimə ananın ciyərparasi,
Daglayir qəlbimi Hüseyn yarası,
Həmi Zəhra, Həzrət Əli balası,
Eşqin ilə çağlayiram Ya Hüseyn,
Səni deyib ağlayıram Şah Hüseyn!
*
Solmaz sənin asiqindir biləsən,
Rəhm eyləyib göz yaşını siləsən,
Gələ ziyarətə dərdi böləsən,
Bu dünyada sənsən Ağam Ya Hüseyn,
Solmaz öldü,demə sağam Şah Hüseyn!
*
Gəl ey Ağam özün yetiş dadıma,
Nolar son qoy bu nalə-fəryadima,
Bir su çilə qəlbimdəki oduma,
Gül ətrini qoxlayiram Ya Hüseyn,
Ağam sənə ağlayıram Şah Hüseyn!
*
Özün ovut ağlar olan qəlbimi,
Sinəsində dağlar olan qəlbimi,
Əhli-Beytə bağlar olan qəlbimi,
İmamlara ağlayıram Ya Hüseyn,
Yezidə kin saxlayıram Şah Hüseyn!
*
Solmaz səni vəsf edəcək ölüncə,
Ürək dərdin bircə sənə bölüncə,
Məzarında aglayacam gülüncə,
Həsrətindən ağlayıram Ya Hüseyn,
Sənə matəm saxlayıram Şah Hüseyn!
26-05-2017
Solmaz Sirvanli
www.kafiye.net
Yorum Yapın