Tək Yaradan çözər onu



Dərd bir deyil, iki deyil,

Nə əvvəli nə də sonu,

Çox məchuldur, bəlli deyil,

Tək Yaradan çözər onu.




Üzə gülən İnsanlar var,

Sanki sənə olurlar yar,

Çox keçmir ki, olur əğyar,

Tək Yaradan çözər onu.




Var yaltağı, yalançısı,

Söz qoşanı, böhtançısı,

Bir ömürün baltaçısı,

Tək Yaradan çözər onu.




Bəd xasiyyət insanlar çox,

Əməli zay olanlar çox,

Qeybət edən, ev yıxan çox,

Tək Yaradan çözər onu.




Dünya aləm xali deyil,

Hər kəs gəzmir veyil – veyil,

Hər müsəlman salsın meyil,

Tək Yaradan çözər onu.

Müəllif: Elmaya Cabbarova.

22.06 2022.
www.kafiye.net