şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
SƏNİ QINAMIRAM
(Amma xəyallarımda sevmişdim)
Səni qınamıram sevmədin məni,
Səni qınamıram məni görmədin.
Səni qınamıram qumral saçların
Mənim əllərimlə niyə hörmədin?
Səni qınamıram məni görmədin,
Səni qınamıram duymadın andı.
Səni qınamıram nədən üzümə
Gözlərin yumuldu, qəlbin qapandı?
Səni qınamıram duymadın andı,
Niyə açılmadı bir qaş-qabağın?
Səni qınamıram axı, sən niyə,
Nədən eşitmədin yalvarışlarım?
Səni qınamıram mənim üzümə
Axı, gülə-gülə niyə baxmadın?
Səni qınamıram ki aşıb-daşıb,
Çay olub,mən səmtə niyə axmadın?
Səni qınamıram axı, sən niyə
Vurmadın ki eşqlə əlin-əlimə?
Səni qınamıram,məhəbbətinlə
Niyə bir bal sən yaxmadın dilimə?
Səni qınamıram niyə sevmədin?
Sən mənə sevirəm deyə bilməzdin.
Sən məni on səkkiz, iyirmi yaşda
Görüb də heç vədə öyə bilməzdin…
…Gedək sən öz yolun, mən öz yolumla,
Bir görməyək keçdiyimiz çəməni.
Mən səni sevirdim xəyallarımda,
Səni qınamıram sevmədin məni…
MƏZAHİR İSGƏNDƏR
26.06.2022
www.kafiye.net
Yorum Yapın