şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
05.04.22.
Həsəd aparram
Demiyin dəliyəm,havalanmışam,
Girov məzarlara həsəd aparram .
Dəfnimdə oxutma yasin,ya quran.
Söz ver ki, gözünə torpaq taparam…
Girov məzarlara həsəd aparram.
Sınsaydı baş daşım əmim Oktaytək,
İgid Yelmar,Elçin,şəhid Qaçaytək*.
Atamtək,babamtək,kəndçi Xasaytək…,
Ruhumla torpaga rahat hoparam.
Əsir məzarlara həsəd aparram.
Vətən həsrətiylə göz yumanlara,
Vətəndə vətənsiz uymayanlara,
Otuz il izini qoymayanlara,
Deyək zəfər sözün yarana sarram?
Girov məzarlara həsəd aparram.
Şəhidin qanından içən torpaqdan,
Su ilə İçmişəm duram ayaqda,
Keçmişziz bir ömür olmaz qabaqda…
Ruhum ölübsə də cəsəd aparram,
Əsir məzarlara həsəd aparram.
Şeşənin** zəbzəmi qüsulum olsun.
Torpaga kəfənsiz üzüm qoyulsun,
Atamın yanında qəbir oyulsun,
Alsa qollarına rahat yataram,
Girov məzarlara həsəd aparram.
*kəndimin şəhidləri(bir neçəsin yazmamışam)
**kəndimizin bulagı
Fəridə Köçərli.
www.kafiye.net
Yorum Yapın