Könlümün sarı simi



Həzin bir musiqi çalınan zaman,

Çəkir qəm yükünü əhvalım yaman,

Fəryad qoparır tar, inləyir kaman,

Mizrab nalə çəkir sarı simimdə.




Sanki dərd yazılıb, ömür yaşıma,

Heç nə düzəlməyir, getmir yoluna,

Sağ tərəfi qoyub, gedir soluna,

Yollar qarışıbdır mənim səmtimdə.




Bir dəli sevdanın əks – sədası var,

Başımdan çıxmayan mübtədası var,

Muğamı, segahı, öz bəstəsi var,

Könlümün yazdığı nəğmələrimin.




Hər notu çalıram mən ayrı – ayrı,

Mənası ayrıdır, məntiqi ayrı,

Yanıb kül oluruq, biz ayrı -ayrı,

Ritmi dalğalanır sevgi dünyamın.




Bir qəlb oxuyursa, o yalnız deyil,

Sözə, musiqiyə salmışdır meyil,

Yazdığı hər kəlmə, çaldığı hər not,

Qalacaq tarixin hafizəsində.



Müəllif: Elmaya Cabbarova.

11.03.2022.

www.kafiye.net