Darıxmışam



Gözüm yolda, könlüm səsdə,

Yarım, sənsiz darıxmışam,

Sağlam canım olub xəstə,

Hər nəfəsdə darıxmışam.




Nə tez keçdi, ömür yarı,

İstəmirəm yoxu, varı,

Sənlə keçən hər bir anı

Xatırlayıb, darıxmışam.




Baxışların mənə bəsdi,

Gümanımı fələk kəsdi,

Aramızda yellər əsdi,

Mən sənsizəm, darıxmışam.




Gecə, gündüz bilmirəm ki!

İncimişəm, küsmürəm ki!

Qədərimi silmirəm ki!

Mən sadəcə darıxmışam.




Gəlsin səndən bir əks-səda,

Ömrüm, günüm sənə fəda,

Ay sevgilim, yetiş dada,

Səndən ötrü darıxmışam!

Müəllif: Elmaya Cabbarova.

13.03.2022.

www.kafiye.net