şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Necə deyim
Otuz il kəndimi görməmişəmsə,
Necə deyim, nə xoş mən dogulmuşam?
Şirini,acıdan secəmmədimsə
Həsrətdən,hicrandan bil yoğrulmuşam,
Necə deyim, nə xoş mən doğulmuşam?
Qaçqınlıq töhmətin adı alnımda,
Yurdsuz ölən ANAM! ahın qanımda.
Hələ ata qəbrim girov adında.
Yurdum kül olandan mən qovrulmuşam,
Necə deyim,nə xoş mən doğulmuşam?
Axan qan selinə Səbr gətirdik.
Xocalı günündə qeyrət itirdik.
Şəhid arzumuzla ,,qədər” bitirdik…
Bənddən ayrılaraq dogranılmışam.
Necə deyim,nə xoş mən doğulmuşam?
Şəhidlər çiynində dayanıb torpaq,
Qazi bədəniylə vurubdur dayaq .
Ana yaylıqların qisasa bayraq
bilib, göz yaşımla hey bogulmuşam.
Necə deyim, nə xoş mən doğulmuşam?
Necə deyim?
Fəridə Köçərli.
01.03.22.
www.kafiye.net
Yorum Yapın