şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
GÖRƏN HARADASAN ?!
Elə düşünürəm, görən yazımmı?
Mənə ilham verən, telli sazımmı?
Köksümə sığmayan xoş avazımmı,?
Rahatlıq verməyən bir sualım var,
Ay ömrümü üzən, görən hardasan?
O sən deyildinmi durub kənarda,
Odlu baxışlarla süzürdün məni,
Başımı döndərib, görəndə səni,
Yanında görməzdim mən bir özgəni,
Vəfadarım, – söylə indi hardasan?
Hər kəsdən gizlədib sənin
adını,
Başqa bir ad ilə çağırdım səni,
Axı, deyəsən mən də sevirdim səni,
Gizli xəzinəmin ləl – cəvahiri,
Çox axtardım səni, görən hardasan?
Gözünü çəkməzdin toyda,
mağarda,
Hansı yana baxsam, görərdim səni,
Elə bil ildırım vurardı məni,
Yanağım allanar, gözüm gülərdi,
Ürək təlatümüm, görən hardasan?
Hərdən – birdən yolum üstə çıxardın,
Ətrafı unudub, mənə baxardın,
Mən də utanardım, yolu çaşardım,
Süzgün baxışlarla yola salardın,
Həsrətdə qalanım, görən hardasan?
Unutmadığım,
Unuda bilmədiyim,
Unuda bilməyəcəyim,
Eşqimin taxt – tacı,
Görən hardasan?…
Elmaya Cabbarova
03.07.2021.www.kafiye.net
Yorum Yapın