şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
АКЫЙКАТТА КҮН КУДАЙДЫН
ЭЛЧИСИ.
Акыйкатта Күн Кудайдын элчиси,
А жер болсо адамзаттын энчиси.
Адам ата жаралгандан бер карай,
Аалам кезип алып келет энчисин.
Азбы- көппү эмгектенип алгының,
Алдым- жуттум ач көз болуп албагын.
Адаттан тыш ашык дүйнө жыйнаба,
Акыретте сурайт- тескейт бардыгын.
Ошондуктан жетеер- жетпес турмуш кур,
Бечерага бери кел деп колуң сун.
Башын сылап жетим менен жесирдин,
Мээрим төгүп жакыныңдай көңүл бур.
Отуз күндүк касиеттүү орозо,
Сыноо үчүн берсе керек адамга.
Ушак- айың, жакшы- жаман сүйлөбөй,
Арууланып жан дүйнөңдү тазала.
Кандай өмүр сүрсөң дагы жалганда,
Күндүн нуру тиктеп турат асманда.
Кокус өлүп, кош айтышсаң өмүргө,
Көр ичинде болуп калба
арманда…
23.04.2021.А. Тоту. Бишкек.
www.kafiye.net
Yorum Yapın