şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
ANA ,SƏNƏ EHTİYACIM VAR MƏNİM..
Qoy söyləyim,çatsam da bu yaşıma,
Təzə dəyib alnım əhlət daşına,
İnan,ana ,gündə yüz yol başıma,
Pərvanətək dolansa da yar mənim,
Ana,sənə ehtiyacım var mənim.
**
Dediklərim pak bir ərkdir bəlkə də,
Bir adın da tər mələkdir bəlkə də,
Qəsdi sənə bənzəməkdir bəlkə də,
Saçlarıma tək-tək atan qar mənim,
Ana,sənə ehtiyacım var mənim.
**
Gül besledin,olammaram darı mən,
Sənə yardır yarı atam,yarı mən,
Neyləyirəm sənsiz varı,karı mən,
Başım üstən ələnsə də bar mənim,
Ana,sənə ehtiyacım var mənim..
**
Yollarından nisgilini yolmasam,
Yaşamaram səndə sevgi bulmasam,
Səndən olub,sənin kimi olmasam,
Ağrım olar,acım olar ar mənim,
Ana,sənə ehtiyacım var mənim.
**
Son zamanlar çox görürəm röyada,
Bir arzum var kök salıbdır mayada,
Əbədi qal,əbədi qal dünyada,
Bu gen dünyam qoy olmasın dar mənim,
Ana,sənə ehtiyacım var mənim..
Nazlı Hacılı.
www.kafiye.net
Yorum Yapın