şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
ELƏMƏ
Üz çevirmə ömrüm-günüm,
Gəl ki,məni xar eləmə,
Səninlədir toy-düyünüm,
Tellərimə qar ələmə!
Varlığındır güvən yerim,
Təkcə sənsən dərdi-sərim,
Sən ey ləlim,a gövhərim,
Gəl ki,eldən ar eləmə!
Canı eylə yara qurban,
Yar yolunda verilər can,
Sevgi bilməz nə bəy,nə xan,
Etmə ahu-zar eləmə!
Esit-dinlə doğru kəsi,
Könlündə qəm şikəstəsi,
Ruha qida bülbül səsi,
Qulağını kar eləmə!
Qal evində öz-özünlə,
Bax aləmə öz gözünlə,
Qal şerinlə,öz sözünlə,
Kimsə yerin dar eləmə!
Solmaz,qəmü-eşqə yanma,
Vəfasızı aşıq sanma,
Doğru sözü söylə,danma,
Hər kəlməni car eləmə!
Solmaz Şirvanlı
16-06-2020
www.kafiye.net
Yorum Yapın