şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
SƏN GEDƏN GÜNDƏN
Göylərdən asılıb ruhum elə bil
Qəlb dolu qubardır sən gedən gündən.
Sükuta qərq olub sanki dodaq,dil
Dünya mənə dardır sən gedən gündən..
**
Həsrət yırpalayır,alır canımı
Dondurur damarda hicran qanımı
Nisgil bürüyübdür dörd bir yanımı
Könlüm ahu-zardır sən gedən gündən..
**
Günlər sıxır məni ,açılmır eynim
Xəyal aləmində dolaşır beynim
Sənsiz hara gedim,sənsiz mən neynim?
Qüssə mənə yardır sən gedən gündən..
**
Saralıb bənizim,soluxub üzüm
Qəmlidir hər kəlməm,qəmlidir sözüm
Hər sabah,hər axşam nəmlidir gözüm
Ömrüm,günüm xardır sən gedən gündən.
**
Çiynimə yüklənib dünyanın dərdi
Sənsizlik könıümə qəm,kədər verdi
Bu ayrılıq niyə bu qədər sürdü?
Yaşamım zinhardır sən gedən gündən..
Nazlı Hacılı
www.kafiye.net
Yorum Yapın