şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
ÖZÜN BİL
Tənə eyləmirəm daha mən sənə,
Necə yaşayırsan yaşa,özün bil.
Vallah oxşamırsan daha sən sənə,
Sevgini vermisən xışa,özün bil..
**
Bir vaxtlar ovqatda saz idi eşqin,
Çox idi,demərəm az idi eşqin,
Mən səni sevəndə yaz idi eşqin,
Döndərdin şaxtalı qışa ,özün bil..
**
Bir düşün,saxlama qışın tərəfin,
Müdrik ol,lənətlə çaşın tərəfin,
Sən Allah bülbül tək quşun tərəfin,
Vermə bayquş kimi quşa,özün bil..
**
Sevgimi özgəyə bəsləmirəm mən,
Sənin də sevgini pisləmirəm mən,
Səni qul olmağa səsləmirəm mən,
Olsan ol qəlbimə paşa,özün bil..
**
Nazıyam ,zənn etmə dil uzadıram,
Həmişə barışa əl uzadıram,
Hörmətlə bir dəstə gül uzadıram,
Bu da gəlməyirsə xoşa,özün bil…
Nazlı Hacılı.
www.kafiy.net
Yorum Yapın