şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
ZAVALLI..
Məkirli şeytana mələk deyəndə,
Kormuş yəqin sənin gözün ,zavallı.
Şər sənin yolunu qəstdən əyəndə,
Seçəydin sən yolun düzün,zavallı..
**
Yaman bəyənmisən naqisi,yaman,
Keçib boğazına heç vermir aman,
Nədənsə ipək,şal bol olan zaman,
Sən seçdin köhnəlmiş bezi,zavallı..
**
Sən gülün düşməni,sarı sevmisən,
Əslində dövləti,varı sevmisən,
Yaz qalıb bir yanda,qarı sevmisən,
Ondandır sevilmir sözün,zavallı..
**
Tamahın eyləyib kəniz,qul səni,
Sevgi çəkənmədi,çəkir pul səni,
O qədər gözünü tutub yal sənin,
Görmürsən sevdanın əzmin,zavallı..
**
Barı pak hissləri oduna yaxma,
Zəhəri şəkərin dadına yaxma,
Günahı Nazlının adına yaxma,
Günahkar özünsən,özün,zavallı…
Nazlı Hacılı.
www.kafiye.net
Yorum Yapın