şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
BİR GÜN
Qəlbimi küsdürüb çıxıb getsən də
Bir gün döyəcəyəm qapını sənin.
Məni sevdiyimə peşman etsən də
Bir gün döyəcəyəm qapını sənin..
*
Bağrına basdın hər düşməni,yadı
Sonunda qaçacaq ağzının dadı
Yaxacaq canını hicranın odu.
Bir gün döyəcəyəm qapını sənin..
*
Keçmişi düşünüb gözün dolacaq
Ömrün daim qüssə, qəmli olacaq
Həsrətli gözlerin yolda qalacaq
Bir gün döyəcəyəm qapını sənin..
*
Təklikdən bədənin tir-tir əsəndə
Kədər nəfəsini sıxıb kəsəndə
Könlün bu aləmdən doyub, küsəndə
Bir gün döyəcəyəm qapını sənin…
*
Səni tərk edərsə sevdiyin canan
Onda kim olacaq oduna yanan?
Soran olmayacaq halini inan..
Bir gün döyəcəyəm qapını sənin
*
Səni son bir dəfə görmək üçün mən,
Həsrəti yollara sərmək üçün mən,
Sənə bir təsəlli vermək üçün mən..
Bir gün döyəcəyəm qapını sənin…
Nazli Hacili
www.kafiye.net
Yorum Yapın